Maxfiylik vositalaringiz
Biz odamlarga oʻzlari yaratadigan va ulashadigan kontentni kimlar koʻrishi va kimlar ular bilan munosabatga kirishishi mumkinligini tanlash imkonini beruvchi turli xil maxfiylik vositalarini taklif qilamiz.
Ommaviy va maxfiy hisob
TikTokda maxfiy hisob yoki ommaviy hisobga ega boʻlishni tanlashingiz mumkin.
Ommaviy hisob
Tanlangan maxfiylik sozlamalaringizga qarab, postlaringiz TikTok hisobi bor yoki yoʻqligidan qatʼi nazar, platformadagi yoki undan tashqaridagi istalgan kishiga koʻrinishi va TikTokdagi yoki undan tashqaridagi har kim tomonidan ulashilishi mumkin. Har kim quyidagilarni bajarishi mumkin:
- Sizni kuzatish
- Ommaviy videolar yoki JONLI efir videolaringizni tomosha qilish
- Kuzatuvchilaringizni va kuzatuvchilar roʻyxatlarini koʻrish
Maxfiylik sozlamalariga qarab boshqa odamlar ham Duet, Ulama funksiyasidan foydalanishi va videolaringizni yuklab olishi mumkin.
Maxfiy hisob
Agar maxfiy hisobingiz boʻlsa, siz kuzatadigan odamlarga quyidagilarni tasdiqlaysiz:
- Sizni kuzatish
- Videolar yoki JONLI efir videolaringizni tomosha qilish
- Kuzatuvchilaringizni va kuzatuvchilar roʻyxatlarini koʻrish
Boshqa odamlar videolaringiz bilan Duet, Ulama qila olmaydi yoki ularni yuklab ololmaydi.
Koʻrinish sozlamalari
Koʻrinish sozlamalari kontentingiz TikTokda qanday koʻrinishida rol oʻynaydi. Sizga postlaringizni kimlar koʻrishini nazorat qilish va har bir post uchun auditoriyani tanlash uchun vositalarni taqdim etamiz. Postlaringizni barcha uchun ochiq qilish, tanishlar yoki kuzatuvchilarga cheklash yoki ularni maxfiy qilishni tanlashingiz mumkin. Fikringiz oʻzgargan boʻlsa, sozlamalaringizni keyinroq oʻzgartirishingiz ham mumkin.
Fikr sozlamalari
TikTok hamjamiyati bilan munosabatga kirishish va aloqa oʻrnatish usuli sifatida odamlarga postlaringizga fikr bildirish uchun ruxsat berishni tanlashingiz mumkin. Biz sizga odamlar postlaringiz bilan qanday munosabatda boʻlishini tanlash imkonini beruvchi hisob darajasidagi va individual video darajasidagi boshqaruvlarni taqdim etamiz.
Hisob darajasi: Postlaringizga kimlar fikr bildirishi mumkinligiga oid quyidagi variantlardan birini tanlashingiz mumkin: har kim, hech kim yoki siz javoban kuzatadigan kuzatuvchilar. Agar 16 yoshdan kichik boʻlsangiz, birlamchi sozlamalarda faqat siz javoban kuzatadigan kuzatuvchi postlaringizga fikr bildira oladi.
Video darajasi: Fikrlarga ruxsat sozlamasini yoqish yoki faolsizlantirishingiz mumkin. Shuningdek, siz yaratadigan videoga uni joylashdan oldin fikr bildirishga ruxsat berish, nomaqbul fikrlarni oʻchirish va berkitish, muayyan soʻzlarni oʻz ichiga olgan fikrlarni filtrlash va berkitishni tanlashingiz mumkin.
Shaxsiy xabarlar
Shaxsiy xabarlar TikTokda tanishlar va hamjamiyat bilan muloqot qilishingizga yordam beradi. Xabarlashuv siz bevosita TikTokda xabarlar va TikTok videolarni yubora va qabul qila olishingiz mumkinligini anglatadi. Sizga kimlar shaxsiy xabarlar yuborishi mumkinligini belgilash uchun maxfiylik sozlamalarini oʻzgartirishni tanlashingiz mumkin.
Shaxsiy xabarlardan faqat 16 va undan katta yoshdagilar foydalanishi mumkin. Ota-onalar Oilaviy sozlamalar funksiyasi orqali ulangan oʻsmirlar hisoblari uchun shaxsiy xabarlarni ham nazorat qilishi mumkin. Oilaviy sozlamalar haqida batafsil bu yerda bilib olishingiz mumkin.