Foilsíodh an téacs thíos ar dtús sa seomra nuachta TikTok.

Fáiltímid roimh athbhreithnithe, mar is ceart agus cóir sin, ar ár n-ardán agus tuigimid gur gá ár n-ardán a neartú ar bhonn leanúnach agus dul i gocmhar le príomhshaineolaithe tionscail chun ár gcosaintí a thástáil chun fanacht chun tosaigh ar an chéad ghlúin eile de chibearbhagairtí. Is chuige sin a oibríonn muid i gcomhpháirt le ceannairí tionscail ar nós HackerOne agus a osclaímid doirse ár Lárionaid Trédhearcachta agus Cuntasachta don phobal chun gur féidir leo foghlaim faoi chód foinseach agus faoin gcaoi a n-oibríonn algartam ár bhfeidhmchláir.

Ar an 13 Feabhra, d’fhoilsigh foireann Malcore ag Internet 2.0, cuideachta cibearshlándála de chuid na Stát Aontaithe agus na hAstráile mar a thugann siad orthu féin, anailís tionscail atá míthreorach ar an gceann is fearr de agus anailís atá an-lochtach agus an-chlaonta ar an gceann is measa de. De réir na tuarascála, is uirlis uathoibrithe anailíse é Malcore atá deartha chun comhaid agus cláir a scanadh, bogearraí mailíseacha a bhrath agus riosca a mheasúnú. Ach mar a d'admhaigh an cuideachta féin, d'úsáid foireann Malcore an uirlis chun anailís neamhchinntitheach a dhéanamh ar anailís í nach raibh athbhreithniú mionsonraithe ar an gcód foinsesach mar chuid di. Bhí míchruinn in áiteanna ina gcuid torthaí, rud ar cheart amhras a chaitheamh ar bhailíocht a gcuid torthaí.

Mar fhreagra air sin, rinne ár dtaighdeoirí féin anailís theicniúil ar thorthaí Malcore agus seo thíos an méid a fuaireamar.

Ár gCleachtais maidir le Bailiú Sonraí

Ní bhailíonn TikTok Aitheantas Trealaimh Teileafónaíochta Soghluaiste Idirnáisiúnta (ATTSI), sraithuimhir SIM, nó uimhir aitheantais cártaí comhtháite ciorcaid gléasanna úsáideora. Ní úsáideann an leagan reatha d'aip TikTok seoltaí MAC. Molaimid d’úsáideoirí an leagan is déanaí den aip, lena n-áirítear nuashonruithe slándála tábhachtacha a uaslódáil.
Ní bhailíonn TikTok gach cuntas ar ghléas.
I réigiúin áirithe amhail na Stáit Aontaithe, an Astráil, agus an Chóiré Theas, ní bhailítear leis na leaganacha reatha d' aip TikTok faisnéis bheacht nó garfhaisnéis GPS ó úsáideoirí. I réigiúin eile ina bhfuil úsáideoirí in ann cead a thabhairt do TikTok faisnéis faoi shuíomh GPS a bhailiú, agus ina dtugann sé an cead sin dó, bailíonn TikTok faisnéis suímh bunaithe ar shonraí GPS ghléas an úsáideora.
I gcásanna áirithe, nuair a bhíonn úsáideoirí sna Stáit Aontaithe ag baint úsáide as leagan níos sine d'aip TikTok lenar ceadaíodh bailiú faisnéise beaichte nó garfhaisnéise (eisiúint dheireanach i mí Lúnasa 2020), agus lenar tugadh cead do TikTok déanamh amhlaidh, féadfaimid faisnéis den sórt sin a bhailiú. Is féidir le daoine i gcónaí a ngléas a chosc ó fhaisnéis dá leithéid a roinnt le TikTok nó cead a deonaíodh roimhe seo a chúlghairm am ar bith trí shocruithe a ngléas.
Bainimid úsáid as faisnéis suímh chun cabhrú linn eispéireas na haipe a fheabhsú agus ar chúiseanna atá leagtha amach inár bPolasaí Príobháideachta, mar shampla físeáin agus ábhar a bhfuil an-tóir orthu ina gceantar a thaispeáint d’úsáideoirí, agus nuair is infheidhme, fógraí níos ábhartha.
Ina theannta sin, is féidir le daoine a roghnú cead a thabhairt don ardán rochtain a fháil ar ghrianghraif, ar liostaí teagmhála agus ar mhicreafón agus ceamara an ghléis. Tugann muid mionsonraí faoin fhaisnéis a bhailímid inár bpolasaithe príobháideachais agus inár n-ionad cabhrach.

Pacáiste Forbartha Bogearraí (SDK)

Is sraith uirlisí é SDK a chuidíonn le forbróirí bogearraí feidhmchláir a chruthú d’ardán ar leith. Tá próiseas againn chun riosca foriomlán slándála SDKar bith atá comhtháite le TikTok a mheas. I dtrí chás, shainathain foireann Malcore go mícheart comhtháthú SDKanna a bheith ann. Ní úsáideann TikTok SDKanna de chuid Pangle, Google CrashLytics, ná Facebook Analytics. Bainimid úsáid as an gcuid eile de na SDKanna a luaitear in anailís Malcore ar na bealaí seo a leanas:

Úsáidtear SDK Facebook Login agus SDK VKontakte (nach bhfuil ar fáil achi 8 dtír) chun ligean d’úsáideoirí logáil isteach ag baint úsáide as a bhfaisnéis aitheantais Facebook nó VK. Ligeann Facebook Share d’úsáideoirí ábhar ó TikTok a roinnt le Facebook.
Is SDK foinse oscailte é Facebook Bolts chun cabhrú le hinnealtóirí aipeanna soghluaiste a fhorbairt. Is uirlisí tomhais agus anailíse sonraí iad Appsflyer agus Google Firebase Analytics.

Scóráil agus Ualú

Níor thug foireann Malcore aon mhíniú ar an gcóras scórála a thug an scór is airde (is measa) do TikTok, is é sin 63.1, i gcomparáid le 34, an caighdeán tionscail i gcás gach feidhmchlár de chuid na mórmheán sóisialta eile agus meánscór 28.8 i gcás na 21 feidhmchlár go léir.

Liostaítear sa tuarascáil ar bhealach treallach na meáchain scóir arna sannadh do chúig thoisc: lorgaire/SDKanna, cead contúirteach, rabhadh ard-dhéine le haghaidh torthaí anailíse cód, cead amhrasach, agus rabhadh déine le haghaidh torthaí anailíse cód. Ní thugtar aon mhíniú ar cén fáth ná conas a roghnaíodh na cúig thoisc seo.

Ina theannta sin, níl aon mhíniú ná fírinniú seachtrach ar an bhfáth ar sanntar an scór a sannadh dó do gach fachtóir, agus an scór is airde de 2.5 faighte ag an rianaitheoir/SDKanna i gcomparáid leis an dara fachtóir ag 0.25 (10 n-uaire níos lú) nó an cúigiú fachtóir (50 uair níos lú). Má athraítear an chaoi a scóráiltear aon chatagóir amháin, athrófaí go mór na scóir riosca do TikTok agus na haipeanna eile.

Is ábhair suntais é go n-admhaítear sa tuarascáil féin gur "pacáiste forbartha bogearraí dlisteanach (SDK) iad rianairí de ghnáth atá deartha chun cabhrú le forbróirí tuiscint a fháil ar an gcaoi a n-úsáidtear a gcuid aipeanna, fadhbanna a d'fhéadfadh a bheith ann a réiteach agus a gcuid bogearraí a fheabhsú." Le claonualú na SDKanna ní chuirtear san áireamh, mar shampla, go n-úsáideann roinnt cuideachtaí príomhSDK, rud a fhágfadh gur lú suntais fós an líon SDKanna chun riosca a mheasúnú. I mbeagán focal, níl dealramh ar bith le córas scórála Malcore.

Ag TikTok, tá príobháideachas agus slándáil na ndaoine a úsáideann ár n-ardán ar ár bpríomhthosaíochtaí. Glacaimid i ndáiríre lenár bhfreagracht príobháideachas agus slándáil daoine a chosaint agus caithimid acmhainní suntasacha chun an sprioc seo a bhaint amach. Tá sé beartaithe againn leanúint de sholáthar nuashonruithe ar ár gcleachtais inár seomra nuachta, ár n-ionad cabhrach agus ár bpolasaithe príobháideachais.

Blag