Orihinal nga na-publish sa TikTok newsroom.

Gina-welcome namo ang lehitimong pagsusi sa among platform ug nakahibalo nga ang pagpabiling nag-una sa mga hulga sa cyber sa sunod nga henerasyon nagkinahanglan kanamo nga padayong palig-onon ang seguridad sa among platform ug makig-collaborate sa mga nag-unang eksperto sa industriya aron i-test ang among mga depensa. Maong nakig-partner mi sa mga lider sa industriya sama sa HackerOne ug mao usab kini ang hinungdan nga giablihan namo ang mga pultahan sa among global nga Mga Center sa Transparency ug Accountability aron makat-on ang mga tawo bahin sa source code ug kung sa unsang paagi nagagana ang algorithm sa among aplikasyon.

Niadtong Pebrero 13, nag-publish ang team sa Malcore sa Internet 2.0, diin nagahulagway sa kaugalingon niini isip hiniusang kompanya sa cybersecurity sa U.S. ug Australia, og analysis sa industriya nga pinakamakapahisalaag ug pinakagrabe og sayop ug bias nga analysis. Sumala sa taho, usa ka naka-automate nga tool sa analysis ang Malcore nga gidisenyo aron i-scan ang mga file ug program, mabantayan ang malware ug masusi ang risgo. Apan sa ilang kaugalingong pag-angkon, gigamit sa team sa Malcore ang tool aron mag-perform og dili konklusibong analysis nga wala naglakip og detalyadong pagsusi sa source code. Adunay daghang sayop ang ilang mga resulta nga kinahanglang maghatag og pagduhaduha sa pagkabalido sa ilang mga resulta.

Isip tubag, aduna mi mga kaugalingong researcher nga naghimo og teknikal nga analysis sa mga nadiskubrehan sa Malcore ug anaa sa ubos ang among nakit-an.

Among Mga Paagi sa Pagkolekta sa Data

Wala ginakolekta sa TikTok ang IMEI sa device sa user, serial number sa SIM, o identification number sa naka-integrate nga circuit card. Wala nagagamit ang kasamtangang bersyon sa TikTok app og mga MAC address. Ginadasig namo ang mga user nga i-download ang pinakabag-ong bersyon sa app, nga naglakip sa mga importanteng update sa seguridad.
Wala ginakolekta sa TikTok ang tanang account sa device.
Sa pipila ka rehiyon sama sa United States, Australia, ug South Korea, wala ginakolekta sa mga kasamtangang bersyon sa TikTok app ang tukma o gibanabana nga impormasyon sa GPS gikan sa mga user. Sa uban pang rehiyon diin makahatag, ug naghatag, ang user og pagtugot sa TikTok nga kolektahon ang impormasyon sa lokasyon sa GPS, ginakolekta sa TikTok ang impormasyon sa lokasyon base sa data sa GPS sa device sa user.
Sa pipila ka kaso, diin nagagamit ang mga user sa US og mas daan nga bersyon sa TikTok app nga nagatugot sa pagkolekta sa tukma o gibanabana nga impormasyon sa GPS (ulahing gi-release niadtong Agosto 2020), ug naghatag og pagtugot sa TikTok nga buhaton kini, mahimo namong kolektahon ang maong impormasyon. Kanunay nga mapugngan sa mga tawo ang ilang device sa pag-share sa maong impormasyon sa TikTok o bawion ang naunang gihatag nga pagtugot sa bisan unsang oras pinaagi sa ilang mga setting sa device.
Nagagamit mi og impormasyon sa lokasyon aron matabangan mi nga mapauswag ang kasinatian sa app ug alang sa mga rason nga nakatakda sa among Palisiya sa Pagkapribado, sama sa pagpakita sa mga user og mga video ug content nga sikat sa ilang lugar, ug kung maaplikar, mas daghang may kalabutan nga ad.
Dugang pa, makapili ang mga tawo nga tugotan ang platform nga ma-akses ang mga hulagway, listahan sa kontak ug mikropono ug camera sa device. Gidetalye namo ang impormasyon nga among ginakolekta sa among mga palisiya sa pagkapribado ug sa among help center.

Software Development Kits (SDK)

Usa ka set sa mga tool ang SDK nga makatabang sa mga developer sa software nga maghimo og mga aplikasyon alang sa partikular nga platform. Aduna mi proseso aron masusi ang kinatibuk-ang risgo sa seguridad sa bisan unsang SDK nga naka-integrate sa TikTok. Sa tulo ka mga kaso, sayop nga giila sa team sa Malcore ang mga pag-integrate sa SDK. Wala nagagamit ang TikTok og mga SDK sa Pangle, Google CrashLytics, o Facebook Analytics. Ginagamit namo ang mga nahibilin nga SDK nga gihisgutan sa analysis sa Malcore sa mga mosunod nga paagi:

Ginagamit ang SDK sa Pag-login sa Facebook ug SDK sa VKontakte (available lang sa 8 ka mga nasud) aron tugotan ang mga user nga mag-login gamit ang ilang mga kredensyal sa Facebook o VK. Ginatugotan sa Facebook Share ang mga user nga i-share ang content gikan sa TikTok ngadto sa Facebook.
Usa ka open source nga SDK ang Facebook Bolts aron matabangan ang mga engineer nga maghimo og mga mobile app. Mga tool sa pagsukod ug analysis sa data ang Appsflyer ug Google Firebase Analytics.

Pag-score ug Pagtimbang

Wala nagatanyag ang team sa Malcore og bisan unsang pagpasabot sa sistema sa pag-score nga naga-score sa TikTok og pinakataas (pinaka-ubos) sa 63.1, kung ikumpara sa standard sa industriya nga 34 alang sa tanang uban pang dagkong app sa social media ug average nga score nga 28.8 alang sa tanang 21 ka mga app.

Arbitraryong ginalista sa taho ang mga naka-assign nga gibug-aton sa mga score alang sa lima ka mga hinungdan: tracker/mga SDK, delikadong pagtugot, taas nga grabeng pasidaan alang sa mga resulta sa analysis sa code, kadudahang pagtugot, ug grabeng pasidaan alang sa mga resulta sa analysis sa code. Walay pagpasabot kung ngano o giunsa pagpili kining lima ka mga hinungdan.

Dugang pa, walay pagpasabot o eksternal nga katarungan kung nganong gi-assign sa matag hinungdan ang score nga naka-assign niini, diin gihatagan ang tracker/mga SDK og pinakataas nga score nga 2.5 kung ikumpara sa ikaduhang hinungdan nga 0.25 (mas gamay og 10 ka beses) o ikalimang hinungdan (mas gamay og 50 ka beses). Radikal nga magbag-o sa mga score sa risgo alang sa TikTok ug uban pang app ang pagbag-o kung ginaunsa pag-score ang bisan unsang kategorya.

Ilabi na, ginaila mismo sa taho nga "kasagarang lehitimong software development kit (SDK) ang mga tracker nga gidisenyo aron matabangan ang mga developer nga masabtan kung ginaunsa paggamit ang ilang mga app, masulbad ang mga potensyal nga isyu ug mapauswag ang ilang software." Wala ginakonsidera sa na-skew nga pagtimbang sa mga SDK, pananglitan, nga nagagamit ang pipila ka kompanya og master SDK, diin maghimo sa gidaghanon sa mga SDK nga usa ka dili kaayo makahuluganon nga hinungdan aron masusi ang risgo. Sa laktod, dili gayud makatarunganon ang sistema sa pag-score sa Malcore.

Sa TikTok, usa sa among pinakataas nga prayoridad ang pagkapribado ug seguridad sa mga tawo nga nagagamit sa among platform. Ginaseryoso namo ang among responsibilidad nga proteksyonan ang pagkapribado ug seguridad sa mga tawo ug nagagahin og mga makonsidera nga resource aron maabot kini nga tinguha. Nagaplano mi nga padayong maghatag og mga update sa among mga gawi sa newsroom namo, help center ug among mga palisiya sa pagkapribado.

Blog