Цифрлық жарнаманың күрделі болуы мүмкін екенін білеміз, бірақ міндетті түрде күрделі болуы шарт емес. Жарнама процедуралары туралы қарапайым әрі тікелей айтуға тырысамыз.

Жарнамалау кезінде құпиялылықты сақтау

Қауымдастығымыз еш уайымсыз әртүрлі және қызықты контентті табу, жасау және оларды тамашалау арқылы көңіл көтерулері үшін TikTok қолданбасына құпиялылықты енгіздік. Біз жарнама деректерін қалай жинайтынымыз, пайдаланатынымыз және бөлісетініміз туралы пайдаланушыларымызға ашық айтып-көрсетуге тырысамыз.

TikTok жарнамалары туралы

Компаниялар өз тұтынушыларына креативті әрі мағыналы контент арқылы TikTok жарнамаларын ұсынады. Бұл TikTok қолданбасының қауымдастығымыз үшін тегін болып қалуына көмектеседі.

TikTok пайдаланған кезде сіз әртүрлі жарнамалар көресіз. TikTok-қа ақша төлеп, орналастырылған жарнамалардың барлығы пайдаланушылардың ленталарында немесе іздеу бетінде «Демеушілік» немесе «Жарнама» белгішесімен анық көрсетіліп тұрады. Сіз пайдаланушылар орналастырған контентпен не істей алсаңыз, жарнамамен де дәл сол нәрсені істей аласыз. Егер жарнама беруші белгілі бір жарнама үшін қажетті мүмкіндіктерді қосқан болса, сіз жарнаманы бөлісе аласыз, оған лайк қоя аласыз, пікір қалдыра аласыз немесе қайта ойната аласыз; егер сіз жарнаманы орынсыз деп санасаңыз, ол туралы шағымдануыңызға болады.

TikTok-тың жарнамаға қатысты саясаты TikTok-та жарнамалауға болатын өнімдер мен қызметтердің түрін, сонымен қатар платформамызда тыйым салынған немесе шектелген жарнамалық контент түрін анықтайды.

Белгілі бір TikTok жарнамаларын көруіңіздің себептері

Жарнамалар сіздің TikTok қолданбасынан алатын әсерлеріңізді жақсартқанын қалаймыз. Ол үшін TikTok сіз ұсынған ақпаратқа, сіз TikTok қолданбасын пайдаланғанда жиналған ақпаратқа немесе жарнама берушілер әрі өлшеу серіктестері сіз туралы алған ақпаратқа негізделген жарнамаларды көрсетеді.

• Сіз өзіңізге және басқа пайдаланушыларға қатысты ақпарат санаттарына (мысалы, еліңіз және тіліңіз және жасыңыз сияқты жария етілген ақпаратқа) негізделген дербестендірілмеген жарнамаларды алатын боласыз. Дербестендірілмеген жарнамалар сізге азырақ қатысты болуы мүмкін, өйткені олар сіздің алдыңғы әрекеттеріңізге негізделмеген.
• Жарнама параметрлеріне байланысты біз сізге дербестендірілген жарнамаларды көрсетуіміз мүмкін, яғни біз алған ақпараттың негізінде сізді қызықтыруы мүмкін жарнамалар көрсетіледі. Бұл қолданбадағы, жарнамалық серіктестеріміздің веб-сайттарындағы және қолданбаларындағы немесе олардың дүкендеріндегі әрекеттеріңіз туралы ақпаратты қамтуы мүмкін.

Біз барлық жарнама үшін пайдаланатын ақпарат

Келесі жалпы ақпарат сізге дербестендірілген немесе дербестендірілмеген жарнамаларды көрсету мақсатында пайдаланылуы мүмкін.

• Орын туралы ақпарат: мысалы, орналасқан жеріңіз туралы деректерге сүйене отырып, сіз Берлиндесіз деп ойласақ, Германияның Берлин қаласындағы TikTok пайдаланушыларын қамтығысы келетін жарнама берушінің жарнамасын көруіңіз мүмкін. Орын туралы ақпарат қалай жиналатыны туралы толық ақпарат алыңыз.
• Тіл ақпараты: мысалы, қолданбаңызда испан тілі орнатылған болса, испан тілді пайдаланушыларды қамтығысы келетін жарнама берушінің жарнамасын көруіңіз мүмкін.
• Сіз ұсынатын демографиялық ақпарат: мысалы, TikTok аккаунтын тіркеген кезде енгізген жасыңыз TikTok сізге 25 және одан жоғары жастағы адамдарға қолжетімді автокөлікті жалға алу қызметінің жарнамасын көрсетуіне әсер етуі мүмкін.

Біз дербестендірілген жарнамалар үшін пайдаланатын ақпарат

Таңдалған жарнаманы дербестендіру опцияларына байланысты дербестендірілген жарнамаларды көрсету үшін келесі қосымша ақпарат қолданылуы мүмкін.

• Біз қорытындылайтын демографиялық ақпарат: мысалы, біз сіздің TikTok желісіндегі белсенділігіңіздің негізінде жынысыңызды анықтай аламыз, оны сіз көретін жарнамаларды дербестендіру үшін пайдалануымыз мүмкін. Сіз кез келген уақытта жарнама параметрлеріндегі жарнамаларға арналған болжамды жынысты жаңарта аласыз. Кез келген жаңарту тек жарнама параметрлеріне қолданылады және басқа TikTok қызметтеріне әсер етпейді.
• Мүдделер мен мінез-құлық туралы ақпарат
• TikTok-тағы белсенділік: TikTok сіз көрген, іздеген, бөліскен және лайк қойған немесе автормен (авторлармен) әрекеттескен контент негізінде, сондай-ақ соған ұқсас жарнамалармен бұрын әрекеттескеніңіздің негізінде сізді қызықтыруы мүмкін жарнамаларды көрсетуі мүмкін. Мысалы, иттерді ұнататын пайдаланушыларға жануарлар дүкені ит ойыншықтарының сатылымы туралы жарнамалағысы келуі мүмкін; біз бұл жарнаманы «иттер» хэштегімен белгіленген көптеген бейнелерге лайк қойған пайдаланушыларға көрсетуіміз мүмкін. Не болмаса, табиғат аясында демалу және табиғат туралы контент жариялайтын авторлардың жазылушыларына табиғат аясында демалуға арналған өнімдер сататын дүкен шатырларды жарнамалағысы келеді. Біз бұл жарнаманы осындай авторлардың жазылушыларына көрсетеміз.
• TikTok-тан тыс белсенділік: TikTok жарнамаларды біздің жарнама берушілер, өлшеу серіктестері және басқа серіктестер ұсынған ақпарат негізінде дербестендіре алады. Мысалы, сән бренді өзінің веб-сайтында немесе қолданбасында бұрын сатып алған сатып алушылар арасында жазғы киім топтамасын жарнамалағысы келуі мүмкін. Бренд ақпаратты бізбен бөлісе алады, ал біз оның жарнамаларын TikTok пайдаланушыларына көрсетеміз.
  Бөлісілген ақпаратқа телефоныңыздың жарнама идентификаторы және/немесе шифрланған электрондық мекенжайлары мен телефон нөмірлері сияқты құрылғы ақпараты кіруі мүмкін. Серіктестер жарнама берушінің қолданбасында немесе веб-сайтында жасаған әрекеттеріңіз туралы ақпаратты (мысалы тауарды дүкен себетіне қосып-қоспағаныңызды) да бөлісуі мүмкін.

Серіктестеріміздің ақпаратты бізбен бөлісу үшін бірнеше жолды пайдаланады:

• TikTok белгілі бір пайдаланушылардың жарнама беруші веб-сайтында немесе қолданбасында жасайтын әрекеттері туралы ақпаратты ала алатын TikTok жарнама беруші құралдармен (TikTok Pixel, API-лер) интеграция.
• TikTok жарнама берушіге мақсатты аудиториясын жасау үшін өз пайдаланушыларымен байланыстыра алатын құрылғы ақпаратын немесе шифрланған байланыс ақпаратын қамтитын аудитория файлын жүктеп алу.
• Жарнама берушінің тапсырмасы бойынша жарнама берушінің веб-сайтында немесе қолданбасында пайдаланушылардың іс-әрекеттері мен оқиғалары туралы жиналған деректерді бізге ұсынуды сұрай отырып, өзіңіздің өлшеу серіктестеріңізге жүгіну.

Жарнамалар ұсыну үшін қолдануға болатын деректердің түрлері туралы толық ақпаратты Құпиялылық саясатынан көріңіз. Есіңізде болсын, жарнама берушілер, өлшейтін серіктестер және басқа да серіктестер сіздің құпиялығыңызды сақтау жөніндегі шарттарымызды орындауға келіскен жағдайда ғана TikTok ұсынған ақпаратты пайдаланады. Сіз өзара әрекеттесетін барлық веб-сайттар мен жарнама берушілердің тиісті құпиялылық саясатымен танысып шығуыңыз керек.

Өлшеу серіктестерімен деректерді бөлісу

Біз жарнама берушілерге олардың TikTok жарнамаларының тиімділігін бағалауға көмектесеміз (мысалы, ойын қолданбасының жарнамалары бұл қолданбаның жүктеп алулар санының артуына әкелгенін не әкелмегенін анықтау). Бұлай істеу үшін, біз сіздің көрілімдеріңіз бен өзара әрекеттесулеріңіз туралы ақпаратты жарнама статистикасын жүргізетін серіктестермен, яғни жарнама берушілерге жарнамаларының маркетингтік нысандарына қаншалықты жеткендігі туралы түсінуге көмектесетін компаниялармен бөлісеміз. Өлшеу серіктестеріне мұндай деректерді басқа мақсаттарда пайдалануға немесе ұсынуға тыйым салынады. Жарнама берушілер өз қолданбаларында, веб-сайттарында немесе дүкендеріндегі әрекеттеріңіз туралы ақпаратты осы серіктестерге жібереді, содан кейін олар бұл әрекеттерді TikTok қолданбасында көрген жарнамаларға қатысы бар-жоғын анықтайды. Бұл TikTok жарнамаларын өзекті сақтауға және TikTok қолданбасын барлық пайдаланушылар үшін тегін сақтап қалуға мүмкіндік береді.

Жарнама көрсетілімі кезінде өз қалауларыңызды басқару

TikTok-тағы жарнамалар қалай жұмыс істейтінін адамдарға түсіндіру үшін өнімдер мен ақпарат (мысалы, сізге жарнама көрсету үшін қандай дерек қолданылатыны және сіз көретін жарнамалар үшін кім төлейтіні туралы ақпарат) ұсынамыз.

Түрлі аймақтардағы жарнамалар үшін дерек қолданысын басқару

• ЕЭА-да, Ұлыбританияда және Швейцарияда сізге көрсетілетін жарнамаларды былай басқара аласыз.
• Алдымен TikTok қолданбасын ашып, «Параметрлер және құпиялылық > Жарнамалар» бетін ашыңыз.
• Бейімделген жарнамаларды көрсету үшін TikTok-тағы және TikTok-тан тыс белсенділігіңіз қолданылуы керектігін көрсеткіңіз келсе, «Бейімделген жарнамалар» функциясын қолданыңыз. Осы параметрді пайдаланып, бейімделген жарнамаларды түгелдей өшіріп қоя аласыз. Жарнамалар көрсетіле береді, бірақ олардың сізге қатысы болмауы мүмкін.
• iOS 14.5 немесе одан кейінгі пайдаланушылар үшін құпиялық параметрлеріне өтіп, басқа компаниялардың қолданбалары мен веб-сайттарындағы әрекеттерді TikTok-тың бақылауына тыйым сала аласыз. Өшкен кезде, бұл iOS параметрі сіз таңдаған қолданбадағы параметрлерден басым болады.
• Android құрылғысында құпиялылық параметрлеріне өтіп, жарнама идентификаторын жою немесе қайта орнату функциясын таңдай аласыз. Ол – түрлі қолданбаларда белсенділігіңізді қадағалау үшін қолдануға болатын идентификатор.

• TikTok-ты ашып, «Аккаунт > Параметрлер және құпиялылық > Жарнамалар» бетіне өтіңіз де, жарнама беруші серіктестер өз қолданбаларында және веб-сайттарында белсенділіктеріңіз туралы бізбен бөлісетін деректер негізінде сіз TikTok-та көретін жарнамаларды қызығушылықтарыңызға бейімдеуге болатын-болмайтынын өзгерте аласыз. TikTok-та не істесеңіз, міндетті түрде сол туралы жарнамалар көресіз.
• iOS 14.5 немесе одан кейінгі платформалар орнатылған құрылғылар үшін құпиялық параметрлеріне өтіп, басқа компаниялардың қолданбалары мен веб-сайттарындағы әрекеттерді TikTok-тың бақылауына тыйым сала аласыз. Бақылау функциясы өшірген кезде, бұл iOS параметрі сіз таңдаған қолданбадағы параметрлерден басым болады және жоғарыда айтылған таргеттелген жарнама қолжетімді болмай қалады. TikTok-тан тыс белсенділігіңіз негізінде таргетинг жарнамаларды қосқыңыз келсе, iOS құрылғысының құпиялылық параметрлерінде TikTok үшін бақылау функциясын қосып қойыңыз.
• Android құрылғысында құпиялылық параметрлеріне өтіп, жарнама идентификаторын жою немесе қайта орнату функциясын таңдай аласыз. Ол – түрлі қолданбаларда белсенділігіңізді қадағалау үшін қолдануға болатын идентификатор.

Жарнаманы блоктауыма немесе оған шағымдануыма бола ма?

TikTok-та барлық жарнаманы көруден бас тарта алмағаныңызбен, жарнама немесе жарнама беруші туралы TikTok-қа кері байланыс жасап, сізге көрсетілетін жарнама түрлеріне ықпал ете аласыз.

• Жарнаманың төменгі оң жағындағы «Бөлісу» белгішесін басыңыз да, «Шағымдану» опциясын таңдап, экрандағы нұсқауларды орындаңыз
• Жарнама бейнесін ұзақ басып тұрыңыз да, «Шағымдану» опциясын таңдап, экрандағы нұсқауларды орындаңыз

• Жарнаманың төменгі оң жағындағы «Бөлісу» белгішесін басыңыз да, «Қызықтырмайды» опциясын таңдап, экрандағы нұсқауларды орындаңыз
• Жарнама бейнесін басып тұрыңыз да, «Қызықтармайды» опциясын таңдап, экрандағы нұсқауларды орындаңыз

Қатысты сілтемелер

• Бейімделген жарнамалар параметрлерін өзгерту
• TikTok жарнамасына қатысты саясаты
• TikTok Ашықтық орталығы